මේ පහත දැක්වෙන සිංහලයේ අගය කියැවෙන සටහන එව්වේ රත්නපුර කලා කේන්ද්‍රයේ මිත්‍රයෙක්ය. මම සංස්කෘතික ජාතික වාදියෙක්මි. අපිට විශ්ව දැනුම නැතිව ජීවත්වීමට නොහැකිබව තරයේ විශ්වාස කරමි. නමුත් ලොව තිබෙන එකම ජාත්‍යාන්තර බසාව ඉංග්‍රිසිය නොවේ. ලෝකයේ හොඳම සාහිත්ය ලියවෙන්නේ ස්පාඤ්ඤ බසෙන් ය. දර්ශන වාද වැඩෙන්නේ ප්‍රංශ බස ඇතුලේය. අභ්‍යවකාශ තාක්ෂනය තිබෙන්නේ රුසියනු බසින් ය. ලොකයේ වැඩිම ජනගහනයක් කතා කරන්නේ චින භාෂාවය. තවත් වසර 10 කින් ලෝකයේ ආර්ථික බලවතා චීනයයි.අනෙක අපේ ඉතිහාසයෙන් වසර 150 ක තොරතුරු තිබෙන්නේ පෘතුගීසි බසෙනි. තවත් 150 ඩච් හෙවත් නෙදර්ලන්ත භාෂාවෙනි. මේවා නෙලා ගැනීම ඉංග්‍රිසි කෙක්කෙන් කල නොහැකිය.
මේ සියවසේ බලවත්ම භාෂාව වනු ඇත්තේ චින භාෂාවය.
1956 දී සිංහල රජ බස කිරීම බණ්ඩාරනායකගේ අදහසක් නොවේ සිංහල ලියන්ටත් කියවන්නටත් නොදත් ඔහු මෙන්ම ඔහුගේ දරුවන්ද දැන සිටියේ වැඩකාරයන්ට කතා කල සිංහලය. මේ යෝජනාව ආවේ සමස්ත ලංකා බෞද්ධ සම්මේලනයෙන්ය. එහි සිටි ඇල්. එච්. මෙත්තානන්ද, පී ද ඇස් කුලරන්ත හා මහැදුරු ගුණපාල මලලසේකර වැනි අධ්‍යාපන විශාරදයෝ බ්‍රිතාන්‍ය උසස් අධ්‍යාපනයෙන් පසු මේ රටේ අධ්‍යාපනය නඟා සිටුවීමට කැප වෙමින් යෝජනාව ඉදිරිපත් කලහ. ඔවුන්ට අවශ්‍ය වූයේ බැද්දේගම සිළිඳුලාට මෙන් උසාවියේ තීන්දුව පරිවර්ත්නය කර අසා නොගන්නා ජාතියක් තැනීමය.
ඔවුන් කල වරද දෙමළ බස දෙවැනි තැනට දැමීමට බල කිරීමය. සමහර විට යටත් විජිත යුගයේ බෙදා පාලනය යටතේ දෙමළ ප්‍රභූ පංතියට තිබූ වරප්‍රසාද ඔවුන් මේ දෙමළ බස විරෝධයට එකතු කරන්නට ඇත.
ජන කණ්ඩායමක අනන්‍යතව තිබෙන්නේ භාෂාව තුල මිසා ආගම හෝ ජීවත්වෙන රට අනුව නොවේ. ගුනදාස අමරසේකර අනුව ලීවොත් නිර්මාණ කල හැක්කේ හදබසින් ය. නැතිව අන් බසකින් නොවේ. ලමුන්ට තනිවම උවත් විදෙස් බසක් ඉගෙනීමට පුළුවන් බව මගේ පුත්ගලික අත්දැකීමකි. දැනුම අන්තර්ජාලයේ තිබෙද්දී මේ කෙරෙන්නේ විගඩමකි. අඩුම තරමින් නිදහ්ස් අධ්‍යාපනයේ විශාලතම නිශ්පාදනය වූ ගෘහ සෙවිකා රස්සාවට වත් අරබි මිස අන් බසකින් පලක් නැත. සත්තකින්ම අපේ රටේ දැන් දෙවන බස අරාබි ය. ඉතින් යටහ් විජිත මනස නඩත්තු කිරීමට අප කල යුතු හොඳම දෙය බංකොලොත් විජිත හිමියාගේ බස උඩ දැමිමය. මේ මිතුරා එවු ලියමනය. එහි රචකයා නොදනිමි.
“ලෝකේ තියෙනවා අකුරු සහිත හා රහිත කියලා භාෂාවන් 2ක්.
ජර්මන් භාෂාවට , ප්‍රංශ භාෂාවට අකුරු නෑ.
ඔයාලා පිලිගන්නවද ඉංග්‍රීසි භාෂාවටත් අකුරු නෑ කියලා.ඔව් ඒක තමයි ඇත්ත.ඉංග්‍රීසි , ජර්මන් හා ප්‍රංශ අය භාවිතා කරන්නේ රෝමන් අකුරු.හැබැයි රෝමන් කියලා භාෂාවක් නෑ.
සංස්කෘත කියලා භාෂාවක් තියෙනවා හැබැයි අකුරු නෑ.සංස්කෘත භාෂාව ලියන්නේ දේවනාගර කියන අකුරු වලින්.
හින්දි කියලා භාෂාවක් තියෙනවා, ගුජරාටි කියලා භාෂාවක් තියෙනවා , මරාටි කියලා භාෂාවක් තියෙනවා හැබැයි මේ එකකටවත් අකුරු නෑ.ඒ අය ඔක්කොම ලියන්නේ දේවනාගර අකුරු වලින්.හැබැයි දේවනාගර කියලා භාෂාවක් නෑ.
#සිංහල කියලා භාෂාවක් තියෙනවා, #සිංහල කියලා අකුරු ජාතියක් තියෙනවා ,සිංහල කියන අකුරු ජාතියෙන් සිංහල කියන භාෂාව ලියනවා.එහෙම එකක් ලෝකේ වෙන කොහෙවත්ම නෑ.සිංහල අකුරු බාවිතා වෙන ලොව එකම භෂාවත් සිංහල විතරමයි.
අකුරෙන් ලියන දේ කටින් කියන්නත් පුලුවන් වගේම
කටින් කියන දේ ඒ විදියටම අකුරෙන් ලියන්නත් පුලුවන්
ලෝකේ එකම එක භාෂාවයි තියෙන්නේ
ඒ තමා සිංහල භාෂාව
ඒ වගේම ” ඈ ” අක්ෂරය තියෙන ලෝකෙ එකම භාෂාවත් සිංහල.”
සරලවම #සිංහල කියන්නේ යථාවාදී තතාකාරී භාෂාවක්.
අයිතිය : නන්දන වීරරත්න