එංගලන්තයේ ඔටුන්න හිමි කුමාරයා, චාර්ල්ස් වින්සර්ගේ කොරෝනා ආසාධනය සුව වූයේ ආයුර්වේද ප්‍රතිකාර වලින් බව ඉන්දීය මධ්‍යම ආණ්ඩුවේ සෞඛ්‍ය ඇමති මෙන්ම ඉංදියන් එක්ස්ප්‍රස් පුවත්පතද අද වාර්තා කලා. වාසනාවට චාර්ල්ස් වින්සර් ඉක්මන් සුවය පතා මුහුණු පොතේ ගෙවා දැන්වීමක් දැමූ ලාංකික මැට්ටා මේ කීර්තියට අයිතිවාසිකම් කීමට පෙර ඉංදියානු ආයුර්වේදය ඉදිරිපත් වීම මේ මොහොතේ වැදගත්.
මන්ද චාර්ල්ස් වින්සර් දිගුකලක පටන්ම විකල්ප ප්‍රතිකාර [බටහිර බෙහෙත් නොවන] දේ ගැන එලිපිටම කතා කරන අවංක රජ කුමාරයෙක්. ඔහුගේ මේ අදහස් බ්‍රිතාන්‍ය වෛද්‍ය මණ්ඩලයේ විවේචනයන්ට නිතර ලක් වෙනවා. මේ මොනවා වුනත් අපිට බටහිර බෙහෙතට ඇති ගැතියාව අවසන් කරන්නට බෑ.
පෙරේදා දුරකථනයෙන් කේ. කේ.සමන් කුමාර [සර්පයා] මෙහෙම කිව්ව. ‘කංසා හා බිංකොහොඹ භාවිතය අත්හැරීම අපේ ප්‍රජා සෞඛ්‍යයට කරපු බලපෑම විනාශකාරීයි. ඇයි ඒ ගැන නොලියන්නේ’ කියල. මේ ගැන ඇති තරම් සමජ මාධ්‍ය ඇතුලේ ලියවුනා. මම මේ සාකච්ඡාව ප්‍රධාන ධාරාවට ඔසවා තබන්න ‘සතිඅග අරුණ’ ට ගෙනියන්නත් උත්සාහ කලා. නමුත් මහින්ද [ඉලේපෙරුම – එහි ප්‍රධාන සංස්කාරක] එක සිතින්ම එයට එකඟ වුනා. කවර හෝ හේතුවකට මේ සකච්ඡාව ඔහු ප්‍රමාද කලා.
මගේ මතකයට එන්නේ 1970 ගනන්වල මැද භාගයේ මොනරාගල දිසාව තුල ජීවත් වූ කාලයයි. එකල එහි ජනයා කංසා හා බිංකොහොඹ අත් බෙහෙත් හැටියට නිවෙස්වල භාවිතා කලා. ගලබැද්දේ වෙදමහත්තයගේ හැම බේතකටම මේ ඖෂධ දෙක ඇතුලත් වුනා. පහුගිය කාලේ ලංකාවේ ආයුර්වේද වෛද්‍යවරුන්ගේ සංගමේ සභාපතිව සිටි ඔබ්බේගොඩ දේවානන්ද තෙරනුන් මුන ගැසුනු විටෙක මේ ගැන කතා කලා. එතුම කිව්වේ 1818 කැරැල්ලෙ දි විනාශකරන්න බැරිවුණු අපේ ජන ජිවිතය සුද්ද කංසා තහනම් කිරීමෙන් සපුරා ගත්ත කියලයි.
එකල සියඹලාන්ඩුවේ හැම ගෙදරකම උණට හෙම්බිරිස්සවට පවා කංසා තැම්බූ වතුර පානය කලා. හැම මාළුවකටම [එහේ මාළුවක් කියන්නේ අපි වෑංජන කියන දෙවල් වලට] කංසා කොල අහුරක් දැම්ම. ඔබ්බෙගොඩ වෙද ඇදුරු අපට කීවේ අවුරුදු දාස් ගනනක් අපි උන වසංගත වලින් බේරුනේ කංසා හා බිංකොහොඹ බෙහෙත් හැටියට වගේම රසකාරක හැටියට යොදා ගැනීම නිසා බවයි. කංසා ආසියානු ආයුර්වේදයේ ප්‍රධාන ඔසුවක් වෙන්නේ ඒ විදිහටයි.
නමුත් කංසා තහනමේ දි යටත් විජිත ගැත්තන් වගේම සිංහල ජාතික වාදීන් හා හින්දු ජාතිකවාදීන් මේ තහනම සමඟ රාජ්‍යත් සමඟ එක පෙලට හිටගන්නව. ඔවුන් තමයි එස්ටීඑෆ් එක මේ සාපරාධි මර්දනයට යවන්නේ.
ඉතින් අපට අවුරුදු දහස් ගනනක් අපේ මුතුන් මිත්තන් භාවිතා කල ඔසුවක් මේ වගේ වසංගත රෝගයකට ප්‍රතිකාර නැති කාලයකවත් විකල්ප ප්‍රතිකාරයක් හැටියට අත්හදා බලන්න අවසර මේ පශ්චාත් යටත් විජිත පාලනයෙන් අවසර නෑ. මම මෙහෙම යටහ් විජිතවාදයේ විවිධ යුග ලියන එකට මගේ මිත්‍ර චන්දන [ ප්‍රසන්න එකනායක] හිනා වෙනව. ඔහු කියන්නේ මට යටහ් විජිතවාදය ගැන නොලිය වචන සීයක් ලියන්න බෑ කියල. ඒක ඇත්ත. අපි පහුගිය අවුරුදු පන්සීය ගැන ලියද්දී යුරෝපීය යටහ් විජිතවාදයේ හොඳ නරක නොලිය ලියන්න බැරි බවයි මගේ විශ්වාසය.
කොරොනා වසංගතය වැඩියෙන්ම පැතිරෙන රට ඇමෙරිකා එක්සත් ජනපදය. එයිනුත් අති නවීන නිව්යෝක් නගරය. මට නිව්යෝක් නගරය ගැන තියෙන අතීත සැමරුම් මේ විනාශකාරී මොහොතේ අමතක කරන්න බැරි තරම්. කොහොම වුනත් ඊයේ ලන්ඩනයෙන් කතාකරපු සුගත් [සුනිල් සෙනෙවිරත්න] යුරෝපයේ විනාශය ලැයිස්තු ගත කලේ මෙහෙම. 01, ඉතාලිය 02, ස්පාඤ්ඤ්ය 03, බ්‍රිතාන්‍යය. හැටියටයි ඔහු පෙල ගැස්සුවේ. ලන්ඩන්වලදි රෝහලේදීත් පවුලේ වෛද්‍ය්වරයා [ජීපී] ලඟදීත් ඔබ හඳුන්වන්නේ රෝගියා හෙවත් පෙෂන් කියල නෙවෙයි. කස්ටමර් හෙවත් පාරිභොගිකය කියලයි. මේ හැඳින්විමෙන්ම රේගන්/තැචර් නව ලිබරල්වාදය යුරොපීය සුභසාධක රාජ්ය ගෙන ගිය තැන ඔබට හිතා ගන්න පුළුවනි. ඉතින් රෝගියා වෙළඳපොලේ පාරිභොගිකයෙක් කිරීමෙන් අවසන් වූ යුරෝපීය ජාතික සෞඛ්‍ය සේවයට මෙහෙබඳු වසංගතයක් සමඟ පොර බැදිය හැකිද?
කොරෝනා දිනපොත 02
04/04/2020